حوار بالعامية

فقرات أسبوعية يكتبها الإعلامي جلال فيتروني

قطعوا لنصنا وصرنا نقيس ضغطنا

التهويل الصهيوني زت خبريات كتير علبنان بدنا نرجع Libon للعصر الحجري حيكون الهجوم والغارات على مستوى عالي بدنا نقصف الجسور ليتقطع البلد ممنوع حدا يتواصل مع حدا والمصير ماشي أنرييه

طلعو المغتربين من لبنان وفلو الرعايا الأجانب مطار بيروت فول عجقة ومجقة والمسافرين على اعصابون وزير الطاقة بلبنان فياض بحط كف على كف وبيقول بح كهربا والعتمة اسا ماني مجربا لا مناقصات عم تمشي يا ليتك خرست وما حكيت

على وقع كلمة ردنا الآتي كترت المآسي تسكر باب السياحة وصرنا ماشيين بعكس السباحة
صباح لما غنت ايام اللولو كانت الظروف غير هلق ممكن تغيرت الغنية وصارت ايام النحس استحكمت فولولولو
بي حالات البلد الغير متوازنة ما في موازنة كتروا رواد المستشفيات أما الفواتير شي خطير أضعاف مضاعفة شي بيرفع الضغط وشي بيسبب دوخة وأمور بتجيب الجلطة صارو يتاجرو بالبشر تيربحو عاضهرون وشعارون ادفع للصندوق قبل ما تفوت يا حبوب
شوي شوي رايحين عالتضخم وانعدام فرص العمل ولأنو ما في رئيس عم بيلعبونا شيش بيش
يا جماعة للأسف ما عاد في مقومات بلد ولا خطة لمواجهة الأخطار المحيطة بالبلد كأنو ما في أزمات ومعاناة
اليوم القضاء مشلول الإدارات متوقفة السياسية الضريبية بعدها سارية والليرة اللبنانية هزيلة وعليلة لحد الإنتهاء
لهيك معقول نكفي بوج الاختناق ونعلن الانكفاء اذا استسلمت بلد لأنها عاجزة ماليا كيف لح تتصرف اقتصاديا من دون مقومات ؟؟