حوار بالعامية

فقرات أسبوعية يكتبها الاعلامي جلال فيتروني

ضيعانك يا مرفأ لبنان شهدت الكارثة وفقدت العنوان

شو هوي يلي ممكن يجذبك لمرفأ بيروت السكون التفكير العميق حبس الدموع على مستقبل مرفأ كان من أهم المرافئ على طول ساحل البحر الأبيض المتوسط الجمود الإقتصادي والتقاطع التجاري كانوا رفيق مرحلة المرفأ حتى قبل الانفجار كانت الضحكة بمرفأ بيروت توزن دهب والاستيراد والتصدير بأحسن حالاتو بس لمان اجا اليوم المشؤوم اختفت النجوم وصارت غبرة الحريق كأنها مسار الطريق
ما حدا استنكر سقوط وطن ولا كلف نفسو يسأل ليش سقطت الناس وما عادت هالارض تنداس
خلص الحكي وتسكرت البواب وسلملي على باقي النواب
بصريح العبارة انتهى دورك يا مرفأ
والشعب اللبناني عم يتلقى المصايب وظنو دايما خايب
كان المرفأ والمطار احلى مرفقين شطار أما اليوم تغيرت الظروف صار الوضع مكروب وغلاء المعيشة قاصف الروح
يا اسفي عليك يا لبنان تراجعت واختفى منك العنوان لؤلؤة الشرق انفصلت عنك وعملت نزاع مع يلي استغلك وحدك بالميدان عم تقاتل ليبقى الإنسان أما السياسيين عايشين بغير مكان